21:08, 20 Желтоқсан 2017

Прокуратураның араласуымен 1 млн астам теңгенің орны толтырылды - БҚО

ОРАЛ. ҚазАқпарат - Бөрлі ауданы прокуратурасының араласуымен 1 млн астам теңгенің орны толтырылды, деп хабарлайды «ҚазАқпарат» тілшісі.

БҚО прокуратурасының баспасөз қызметінен түскен мәліметке қарағанда, аудан прокурорының апелляциялық өтініші бойынша аудандық соттың қаулысымен «Аксайгазпромэнерго» АҚ-ға ҚР Әкімшілік құқықбұзушылық кодексі 164-бабы 4-бөлігі негізінде салынған әкімшілік айыппұл көлемі 307 101 теңгеден 1 319 194 теңгеге дейін (заңсыз алынған табыстың 10 пайызы) көбейтілді.

Апелляциялық сатыда «Аксайгазпромэнерго» АҚ-ның ҚР Ұлттық экономика министрлігі Табиғи монополияларды реттеу және бәсекелестікті қорғау комитеті БҚО бойынша департаментінің 2016 жылдың 1 наурызынан 1 сәуіріне дейінгі кезеңде электр қуатын беру және тарату қызметінің бағасын төмендету жөніндегі бұйрығын орындамаған. Соның нәтижесінде 10 120 930 теңге заңсыз табыс тапқан.

Осылайша, прокуратураның араласуымен мемлекетке келетін 1 012 093 теңге шығынның орны толтырылды.

Батыс Қазақстан облысы Заң Заң және құқық Прокуратура
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).