17:35, 08 Желтоқсан 2011

Прокуратураның араласуымен 31 млн. астам теңге жалақы қарызы өтелді - БҚО

ОРАЛ. 8 желтоқсан. ҚазАқпарат /Елжан Ералы/ - Бөрлі ауданы прокуратурасы еңбек заңнамасы талаптарының сақталуына мониторинг жүргізген кезде «Ақсайжылуқуат» ММК-ның шілде-тамыз айлары үшін 285 қызметкердің алдында 16,3 млн. теңге, «Ақсай нан өнімдері комбинаты» ЖШС-ның 227 қызметкерге 15,3 млн. теңге қарыздар екендігі анықталды.

Облыс прокуратурасының баспасөз қызметінен түскен мәліметке қарағанда, прокурордың актісін қарау нәтижесінде аталған кәсіпорындардың 512 қызметкеріне 31 млн. астам теңге жалақы төленді. Сөйтіп олардың конституциялық құқықтары қорғалды.

Аймақ Батыс Қазақстан облысы Заң және құқық Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).