ОРАЛ. 3 қазан. ҚазАқпарат - Бөкей ордасы ауданы прокуратурасы еңбек заңнамасының сақталуына мониторинг жүргізу барысында «Ер Төстік» балабақшасында 83 қызметкерге биылғы маусым, шілде айлары үшін 5,745 млн. теңге жалақы төленбегендігін анықтады.
Облыс прокуратурасының баспасөз қызметінен хабарлағанындай, заңбұзушылықты жою туралы аудандық білім беру бөліміне ұйғарым беріліп, соның нәтижесінде еңбекақы берешегі толық өтелді.
Аудан прокуратурасы сонымен қатар аудандық білім беру бөлімінің басшысы Е.Иманбаев пен экономика және қаржы бөлімінің басшысы Н.Темірбаевты тәртіптік жауапкершілікке тарту туралы аудан әкіміне ұсыныс жолдады. Ол қазір қаралу үстінде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).