Жоғарғы Сот талаптардың әкімшілік іс жүргізу тәртібінде қаралмауы тұрғысынан прокуратураның уәждерін негізді деп таныды. Мұндай міндеттер бойынша шешім Бюджет кодексінің 163-бабында көзделгендей облыстық маслихаттың шешімі негізінде қабылдануы тиіс.
Сонымен қатар, қол қойылған МЖӘ келісімі бюджеттік заңнаманы бұзды. Өйткені ол маслихаттың тиісті шешімінсіз мемлекеттің 900 миллион теңгеден астам қаржылық міндеттемелерін қарастырды.
- Кәсіпкердің жобаға қосқан үлесі небәрі 5 пайыз болса, мемлекеттік жарна 95 пайыз болды. Мемлекеттің экономикалық мүдделеріне қайшы келеді. Бұл сондай-ақ Мемлекет басшысының Үкіметтің кеңейтілген отырысында айтқан принципін бұзады, оған сәйкес МЖӘ шеңберінде мемлекет пен жеке инвестор мүдделерінің арақатынасы сақталуы керек, - делінген БҚО прокуратурасы хабарламасында.
Осылайша, Жоғарғы Сот нысанды сенімгерлік басқаруға беру заңсыз болғанын растады.
БҚО-да субсидияға бөлінген қаражат мақсатсыз пайдаланылғанын жазған болатынбыз.