Еске сала кетсек, Бейбіт Шүменов пен WBA бойынша әлемнің уақытша чемпионы Юниер Дортикостың 29 сәуірге жоспарланған жекпе-жегі жерлесіміздің көзінен жарақат алуына байланысты өтпейтін болды. «Kazsport» телеарнасы бокс кешін тікелей эфирден көрсетуді жоспарлаған еді.
«Шүменовтің жаттығу кезінде көзін жарақаттап алғаны өкінішті, бірақ бокстың табиғаты осындай. Оның бірінші ауыр салмақта Дортикосқа қарсы жекпе-жекте әлем чемпионы атағын қорғағанын асыға күтіп едік. Оның толық қалпына келіп, айқасты кейінгі уақытқа ауыстыра алатынымызға үміттенемін», - деді Леонард Эллерби.