Бұл туралы Ресей президентінің баспасөз хатшысы Дмитрий Песков хабарлады.
– Кеше кешкісін президент Путин Уиткоффты қабылдады және ресейлік тарапқа қосымша ақпарат берілді. Уиткофф арқылы Путин президент Трампқа ақпарат пен қосымша сигнал берді, - деді Песков.
Оның айтуынша, Ресей мен АҚШ президенттері Владимир Путин мен Дональд Трамптың сөйлесу уақыты әлі анықталған жоқ.
– Екі президент кездесуінің нақты уақыты әлі келісілген жоқ. Бірақ Уиткофф мырза Мәскеуден алған барлық ақпаратты өз басшысына жеткізгеннен кейін біз кездесу уақытын анықтаймыз, - деді Кремль өкілі.
Екі тарапта да кездесу қажеттігі туралы түсіністік бар, деп қосты ол.
Путиннің Уиткоффпен диалогы кеше кешке Киев режимі 30 күндік атысты тоқтату туралы келісімге келген Джиддадағы АҚШ-Украина келіссөздерінен кейін өтті.
Трамптың Украина мен Ресей жөніндегі арнайы өкілі бейбіт келіссөздерден шеттетілгенін жазған болатынбыз.