Теннис бойынша Австралияның Ашық чемпионатында сәтті ойын көрсетуінің арқасында 21 жастағы Путинцева 16 сатыға көтеріліп, WTA рейтингінде 64-ші орынға табан тіреді. Бұл - WTA рейтингінде Путинцева үшін үздік көрсеткіш. Бұрын ол 70-ші сатыдан жоғары көтерілмеген.
Қазақстанның бірінші ракеткасы болған Зарина Диас 12 сатыға төмен түсіп, рейтингте 69-шы орында. Тағы бір қазақстандық теннисші Ярослава Шведова Аustralian Open-нен кейін 70-тен 83-ші сатыға төмендеді.
Рейтингте америкалық теннисші Серена Уильямс көшбасшылықты сақтап қалды. Финалда 6:4, 3:6, 6:4 есебімен Серена Уильямсты жеңген Australian Open жеңімпазы неміс теннисшісі Ангелика Кербер алты орынға көтеріліп, екінші орынға жайғасты. Үшінші жолда румындық Симона Халеп тұр.
11:40, 01 Ақпан 2016
Путинцева WTA рейтингінде Диасты басып озып, Қазақстанның бірінші ракеткасы атанды
АСТАНА. ҚазАқпарат - Юлия Путинцева спорт жолында алғашқы рет Қазақстанның бірінші ракеткасы атанды, деп хабарлады Vesti.kz. Бұл туралы Әйелдер теннис қауымдастығы (WTA) өз рейтингін жаңартқаннан кейін белгілі болды.