АСТАНА. ҚазАқпарат - Руслан Жексебайұлы шетелдегі қазақстандықтардың басын қосатын «KazAlliance» қоғамдық бірлестігінің президенті болып сайланды.
Бұған дейін Р.Жексебайұлы бұл ұйымның вице-президенті және АҚШ-тағы Қазақстан студенттері альянсының президенті болған еді.
Бірлестіктің сайлау комиссиясы хабарлағандай, президент 1 жылдық мерзімге сайланады. Бұл жолы бұл лауазымға үш адам кандидат болған. Бүгінгі күні дауыс беруге 22 елдегі өкілдер қатысып, бірлестіктің одан арғы қызметін айқындап алды.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.