«Тағы бір лаңкестік топ шетелдегі террористердің тапсырмасы бойынша 2015 жылдың қарашасында орын алған «Париж оқиғасы» негізінде Мәскеуде және Қазақстан аумағында лаңкестіктің ауқымды актісін жасауға ниеттенген», - делінген хабарламада.
Ведомство ақпаратына қарағанда, ақпан айында аталған топтың 5 адамы Астанада ұсталып, лаңкестік іс-қимылға қатысқандығы үшін сотталған. Олардың қатарында Қазақстан, Ресей және Тәжікстан азаматтары бар.
«Орталық Азия елдерінің 4 азаматынан жасақталған келесі ұяшықтың қызметіне Мәскеуде ресейлік әріптестер тосқауыл қойды. Қылмыскерлердің Жеңіс күнін мерекелеу уақытында, Мәскеуде лаңкестік жасауды жоспарлағаны анықталды», - деп атап өткен ҚР ҰҚК баспасөз қызметінен.
Комитет мәліметтеріне сәйкес, осы жылдың басынан бері 4 тұлғаның және 8 радикалды топтың заңға қайшы іс-әрекетіне тосқауыл қойылған. Көзі жойылған топтардың бір бөлігі халықаралық лаңкестік ұйымдардың содырларының тікелей басшылығымен және нұсқауымен әрекет еткен.