Рахым Ошақбаев ҚР ИДМ вице-министрі қызметінен босатылды

АСТАНА. ҚазАқпарат - ҚР Үкіметінің 2016 жылғы 19 наурыздағы қаулысымен Ошақбаев Рахым Сәкенұлы Қазақстан Республикасының инвестициялар және даму вице-министрі қызметінен босатылды. Бұл туралы ҚР ИДМ Кадр жұмысы департаментінің директоры Марат Иғали Фейсбук әлеуметтік желісіндегі парақшасында хабарлады.

«ҚР Инвестициялар және даму министрлігінде Рахым Ошақбаевқа атқарған жұмысына алғыс айтылды. ҚР Инвестициялар және даму министрі Әсет Исекешев оған Құрмет грамотасын тапсырды», делінген жазбада.

Қазір Рахым Ошақбаев халықаралық білім беру бағдарламасы арқылы шетелде оқып жатыр.

«Бірлесіп атқарған жұмыстар үшін алғыс білдіремін! Сәттілік тілеймін!» деп жазады Марат Иғали.