АСТАНА. 16 шілде. ҚазАқпарат - Түркия мұсылмандары ардақты Мұхаммед Пайғамбарымыздан қалған шапанды Ыстамбұлдағы «Хырка-и Шериф» мешітінде тамашалай алады, деп хабарлайды «Анадолу» агенттігі.
Бұл қасиетті жәдігерді бүгінгі күнге дейін аль-Карани әулеті сақтап келген. Кезінде аль-Карани әулетінің ата-бабасына ардақты Пайғамбарымыз (с.ғ.с.) аманат ретінде тапсырған екен.
muftyat.kz сайтының жазуынша, көрменің ресми ашылуына Түркияның вице-премьері Бекир Боздаг пен Ыстамбұлдың мүфтиі Рахми Яран қатысты.
Бұндай қасиетті экспонатты мұсылман қауымы Рамазан айы бойы тамашалай алады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.