АСТАНА. ҚазАқпарат - Оңтүстік Қытайда өткен жұма күні орын алған Раммасун дауылынан қаза тапқандар саны 56 адамға жетті, деп хабарлады шетелдік БАҚ.
ҚХР Азаматтық әкімшілік министрлігі ақпаратына қарағанда, бұдан бөлек 20 адам із-түссіз жоғалған. Осы ведомствоның таратқан мәліметінше, дауыл салдарынан Хайнань, Гуандун, Юньнань өлкелерінде және Гуанси-Чжуан автономиялық ауданында тұратын шамамен 11 млн. адам зардап шеккен.
Ал апат салдарынан келген экономикалық шығын 1,1 млрд. долларға жуықтап отыр.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.