«Тұңғыш Президент Нұрсұлтан Әбішұлы Назарбаевтың тезірек сауығып кетуін тілеймін. Елбасы өте қайсар және күшті адам, бұл ауруды да еңсереріне сенімдімін. Мен оған зор денсаулық пен ұзақ өмір тілеймін», - деді Рано Умарова.
Сонымен бірге, әнші коронавирус инфекциясын жұқтырған барлық қазақстандықтардың сауығып кетуін тіледі.
«Барлық қазақстандықтарға зор денсаулық, мықты иммунитет пен жақсы көңіл-күй тілеймін. Бұл барлық қиындықтарды жеңуге септігін тигізеді. Жеке өзім әрбір адамның сауығып кетуін тілеймін», - деді әнші.
Айта кетейік, Елбасының баспасөз хатшысы Айдос Үкібай Қазақстанның Тұңғыш Президенті – Елбасы Нұрсұлтан Назарбаевтың Covid-19-ға тапсырған сынамасы оң нәтиже көрсеткенін хабарлаған еді. Қазіргі уақытта Нұрсұлтан Әбішұлы өзін-өзі оқшаулап, қашықтан жұмыс істеуді жалғастыруда.
Осы уақытқа дейін еліміздің барлық өңірлерінен жұртшылық Елбасының саулығын тілеп, ізгі ниеттерін білдіруде. Мұнан бөлек, Ресей Президенті Владимир Путин , Түркия Республикасының Президенті Режеп Тайип Ердоған , Үндістанның Премьер-Министрі Нарендра Моди , Өзбекстан Президенті Шавкат Мирзиёев Қазақстанның Тұңғыш Президенті – Елбасы Нұрсұлтан Назарбаевқа мықты денсаулық пен тезірек сауығып кетуін тілеп жеделхат жолдады.