АСТАНА. KAZINFORM – 2024 жылдың соңына дейін енгізілген бензин экспортына уақытша тыйым салу 2025 жылдың 31 қаңтарына дейін ұзартылды. Бұл туралы РФ Үкіметінің баспасөз қызметі хабарлады.
– Шектеу тікелей мұнай өнімдерін өндірушілердің жеткізіліміне қолданылмайды, – делінген хабарламада.
Министрлер кабинетінде хабарланғандай, шешім ішкі отын нарығындағы тұрақты жағдайды сақтау, мұнай өңдеу экономикасын қолдау, автокөлік бензинінің сұр экспортына қарсы іс-қимыл мақсатында қабылданды.
Айта кетейік, бұған дейін Қазақстан ЕАЭО елдерінен тыс жерлерге бензин мен дизель отынын экспорттауға тыйым салатынын жазған едік.
Сонымен қатар, биыл Қазақстан Республикасында мұнай-химия өнімдерін өндіру 171,2%-ға өскен.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы