Бұл туралы Ресейдің Ағарту министрі Сергей Кравцов мәлімдеді.
Оның айтуынша, 2026-2027 оқу жылында Ресейдің әр аймағындағы 10 мектепте оқушылардың мінез-құлқы бағаланады.
- 2027-2028 оқу жылынан бастап бұл модельді Ресейдің барлық жалпы білім беру мекемелерінде енгізу жоспарланған. Формат бойынша соңғы шешім апробация қорытындылары бойынша қабылданады, - деп мәлімдеді Кравцов.
Ол емтихан тапсыратын жоғары сынып оқушылары осы критерий бойынша бағаланбайтынын қосты.
Апробация аясында білім беру мекемелеріндегі ішкі тәртіп, сабақтағы тәртіп және мінез-құлық нормаларын сақтау бойынша баға қою мүмкіндігі қарастырылған.
Kazinform үшін арнайы ТАСС серіктес агенттігі ұсынған.
Осыған дейін Ресей мектептерінде тәртіпке баға қою жүйесі енгізілетінін хабарлаған болатынбыз.