МӘСКЕУ. ТАСС - ҚазАқпарат - 26 мамыр күні Ресей Федерациясында 64 орман өрті тіркелген. РФ экология және табиғи ресурстар министрі Дмитрий Кобылкиннің айтуынша, тілсіз жау шарпыған аумақтың жалпы көлемі 13 мың гектарға жетті, деп хабарлайды ҚазАқпарат ТАСС агенттігіне сілтеме жасап.
«Бүгінгі таңда 64 орман өртеніп жатыр. Қызыл жалынның жалпы аумағы 13 мың гектардан асады», - деп мәлім етті ол.
Кобылкиннің сөзіне сенсек, Ресейдің төрт субъектісінде орман өртіне байланысты төтенше жағдай режимі енгізілген.
«Байқалда толығымен, Тыва, Хакасия және Иркутск облысында бір-бір муниципалды құрылымда төтенше жағдай жарияланған», - деп атап өтті ол.
Жанат Қапалбаева
М.Х. Дулати атындағы Тараз мемлекеттік университетін бітірген.
Еңбек жолын аймақтық басылымдардан бастаған.
Төрт тіл біледі, кәсіби аудармашы.
2018 жылдан бері – Kazinform шығарушы редакторы.
ҚР Журналистер одағының мүшесі.