Ресейде есірткі зертханасын ұйымдастырды деген күдікпен қазақстандық ұсталды

АСТАНА. KAZINFORM – Павлодар облысы прокуратурасының үйлестіруімен құқық қорғау органдарының қызметкерлері Ресей Федерациясының Свердлов облысында Қазақстан азаматын ұстады. 

Ол еліміздің аумағында есірткі зертханасын ұйымдастырған.

— Ұсталған азамат 2024 жылы облыс аумағынан жеке үй сатып алып, онда аса ірі көлемде «мефедрон» есірткісін өндірген, — делінген Павлодар облысының прокуратурасы хабарламасында.

Осы факті бойынша Қылмыстық кодекстің 297-бабы бойынша сотқа дейінгі тергеп-тексеру басталды.

— Қазіргі уақытта прокуратура күдіктіні Қазақстан Республикасына экстрадициялау шараларын жүргізіп жатыр, — делінген хабарламада.

Бұл қылмыс 12 жылға дейін бас бостандығынан айырумен жазаланады. 

Айта кетелік Испаниядан есірткі тасымалдаған қазақстандық 16 жылға сотталған еді.