Ресейде полиция аюды аулада жетектеп жүрген жігітті іздеп жатыр
03:17, 20 Наурыз 2017
АСТАНА. ҚазАқпарат - Ресейдің Ростов облысы Таганрог қалалық полициясы ғаламторға шыққан «тұрғынның бірі қалада қарғыбау таққан аюды алып шықты» деген ақпаратты тексеруде. Бұл туралы ресейлік «РИА Новости » агенттігі хабарлады.
«Ғаламторда жігіттің қарғыбау тағып аюды жетелеп алған видеосы жарияланды. Бұл Таганрог қаласы еді», - деп хабарлайды өңірлік ІІМ.
Полиция алдымен аюдың иесін табуы керек, сосын жыртқыштың қайдан келгенін, ол айналасындағыларға қауіп төндіре ме әрі қандай жағдайда асыралып жатыр деген сұрақтарға жауап табуы тиіс.