ӨСКЕМЕН. ҚазАқпарат – Ресей Федерациясында ұрланған автокөлік Шығыс Қазақстан облысынан табылды, деп хабарлайды ҚазАқпарат тілшісі.
ШҚО полиция департаменті баспасөз қызметінің мәліметіне сүйенсек, Риддер қаласында «Қауіпсіз жол» жедел-алдын алу шарасын жүргізу барысында тәртіп сақшылары «Skoda» маркалы автокөлікті тоқтатқан.
Көлік тізгінінде 27 жастағы ер адам болды.
«Тексеру барысында аталған көлік Ресей Федерациясы Челябинск облысы Магнитогорск қаласында ұрланғандар есебінде тұрғандығы анықталды. Автокөлік бірден арнайы тұраққа қойылған» деп хабарлады ведомство өкілдері.
Қазіргі уақытта осы фактіге орай материалдарды Ресей Федерациясына жолдау үшін алғашқы шаралар жүргізілуде.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.