Бұдан бұрын хабарланғандай, WBA және IBO нұсқалары бойынша орта салмақтағы әлем чемпионы қазақстандық Геннадий Головкин мен мексикалық Хулио Сезар кіші Чавес арасындағы жекпе-жек өтпейтін болды.
Владимир Хрюновтың пайымынша, егер де осы жекпе-жек болғанда Геннадий Чавесті нокаутқа жіберер еді.
Сонымен қатар «Головкинге спорттық тұрғыда болашақта қарсылас ретінде кімді ұсынар едіңіз?» деген сауалға ол: «Қазіргі кезде жағдай былай өрбуде: 1 маусымда Дмитрий Чудинов Патрик Нильсенмен жекпе-жекте өзінің титулын қорғайды. Бұдан кейін Джаррод Флетчермен кездесу жоспарда бар. Осыдан кейін Дмитрий Чудинов Геннадий Головкинмен жекпе-жекке міндетті үміткер болмақ. Осы матч бойынша жұмыс істеудемін. Ал өзінің салмақ дәрежесінде Головкин үздік боксшы. Егер ол Мигель Котто мен Серхио Мартинес жекпе-жегінің жеңімпазымен кездесетін болса, онда Геннадий екеуін де жеңуге қауқарлы. Головкин осы салмақ дәрежесінде кез келген боксшымен тартысқа түсуге дайын»,-деп жауап қайырды.