АСТАНА. ҚазАқпарат - Ресей үкіметі өз азаматтарының шетелдік төлқұжатындағы мәліметтердің тізбесін өзгертті.
2015 жылдың 1 қаңтарынан бастап бұл елдің төлқұжаттарында қолдың екі саусағының іздері туралы ақпарат болуы тиіс.
Атап айтқанда, ондағы папиллярлық өрнектердің бейнесі төлқұжатта орнатылған электронды жадыда сақталады.
Ресейдің Федералды көші-қон қызметі әзірлеген құжат бүгін жарияланады деп күтілуде.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.