АСТАНА. KAZINFORM — Батыс Қазақстан облысындағы «Сырым» шекаралық өткізу пунктінде қайта жаңғырту жұмыстары екі ауысыммен жүргізіліп жатыр. Бұл туралы «ҚазАвтоЖол» ҰК» АҚ хабарлады.
Жоба өткізу пунктінің инфрақұрылымын жаңартуға, оның өткізу қабілетін арттыруға, сондай-ақ азаматтар мен жүргізушілер үшін қолайлы жағдай жасауға бағытталған.
— Жұмыстар бекітілген кестеге сәйкес жалғасып жатыр. Жобаны іске асыру өткізу пунктінің инфрақұрылымын жақсартып, мемлекеттік шекарадан өту тиімділігін арттыруға мүмкіндік береді, — деп хабарлады «ҚазАвтоЖол».
Еске салайық, бұған дейін Үкімет отырысында Көлік министрі Нұрлан Сауранбаев Қазақстанда жүк көліктерінің өткізу пункттерінен өту уақыты 30 минуттан аспауға тиіс екенін айтқан еді.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.