Республикалық ақпараттық-насихат тобының мүшелері Атбасар ауданының жұртшылығымен кездесті

КӨКШЕТАУ. Наурыздың 4-і. ҚазАқпарат /Жанмұрат Жанайдаров/ - Кеше Ақмола облысына іссапармен келген «Республикалық ұйғыр ұлттық-мәдени орталығы» қоғамдық бірлестігінің төрағасы Ахметжан Шардинов республикалық ақпараттық-насихат тобының құрамында Атбасар ауданында болып,

жергілікті тұрғындармен кездесті, Елбасының Қазақстан халқына Жолдауы аясында ой бөлісті, деп хабарлайды ҚазАқпарат тілшісі.

Бірлестік төрағасы аудан активі алдында сөз сөйлеп, Елбасының «Жаңа онжылдық - жаңа экономикалық өрлеу - Қазақстанның жаңа мүмкіндіктері» атты Жолдауының негізгі бағыттарын тарқатып, ондағы әлеуметтік басымдықтар, бюджеттік сала қызметкерлерінің айлық жалақыларының 25 пайызға сәуір айынан бастап өсетіндігі, ертеңгі болашағымыз - жастарды білімді де білікті етіп тәрбиелеу жөнінде әңгіме өрбітті. Басқосу барысында тұрғындар сауалдарына жауап беріп, маңызды құжат турасында түсінік берді.

Топ мүшелері аудан орталығындағы 3-ші орта мектеп, 9-шы кәсіптік лицей, аудандық аурухана ұжымымен, қоғамдық ұйымдар өкілдерімен кездесіп, Жолдау турасында пікір алмасты.

Бүгін Ахметжан Бакримұлы бастаған ақпараттық-насихат топ өңірдің Новосельский, Макеевка, Покровка, Сочинское селолық округтерінде болып, жұртшылықпен жүздесетін болады.