ОРАЛ. ҚазАқпарат - Ақжайық ауданының мәдениет қызметкері Данияр Елеуов Атырауда өткен елге танымал әнші, «Құрмет» орденінің иегері, Қазақстанның еңбек сіңірген әртісі Мекес Төрешев атындағы «Көрінген сонадайдан Нарын еді...» атты І республикалық дәстүрлі әншілер байқауынан бас жүлде алды.
Аталмыш байқауға Астана, Алматы, Ақтау, Орал, Атырау және басқа өңірлерден барлығы 22 үміткер қатысып, бақ сынады. Екі кезеңнен тұратын өнер сайысында Данияр Мұхит пен Ғарифолла туындыларын және халық әндерін орындап, қазылар алқасы мен көрермендердің жоғары бағасына ие болды.
Айта кетейік, марқұм Мекес Төрешев Мұхит пен Ғарифолланың ән дәстүрін жалғаушылардың бірі болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).