19 мамырда атмосфералық ағымдардың өтуіне байланысты республиканың шығысы мен оңтүстік және оңтүстік-шығысында жекелеген жерлерде жаңбыр жауып, найзағай ойнап, екпінді жел болады, республиканың оңтүстігі мен оңтүстік-шығысында бұршақ жаууы ықтимал.
Алматы облысының жекелеген аудандарында желдің екпіні 15-20 м/с-қа дейін жетеді, бұршақ жаууы мүмкін.
Жамбыл облысының кей жерлерінде 15-20 м/с жылдамдықпен жел соғып, бұршақ жауады.
Атырау облысының жекелеген жерлерінде құмды дауыл болады, күндіз 15-20 м/с жылдамдықпен жел соғады.
Оңтүстік Қазақстан, Маңғыстау, күндіз Шығыс Қазақстан облыстарының кей жерлерінде 15-20 м/с жылдамдықпен жел соғады деп күтілуде.
Қостанай облысының жекелеген жерлерінде күндіз және түнде тұман болады.
Ақмола, Қостанай, Солтүстік Қазақстан, Павлодар, Қарағанды және Шығыс Қазақстан облыстарының кей жерлерінде 0-3 градусқа дейін ызғар сақталады.
Республиканың оңтүстігінде жекелеген жерлерде жоғары өрт қаупі сақталады.
Алдағы 3 тәулікте республиканың оңтүстік, оңтүстік-шығыс және шығыс таулы өзендерінде су деңгейінің ауытқушылығы байқалады, Алматы облысының жекелеген аудандарында жаууы ықтимал жаңбырға байланысты су басу жағдайлары болуы мүмкін.