РФ Есеп палатасының төрағасы «ЕҰУ-дің құрметті профессоры» атанды
18:12, 27 Мамыр 2009
АСТАНА. Мамырдың 27-сі. ҚазАқпарат /Арман Асқаров/ - Бүгін Лев Гумилев атындағы Еуразия ұлттық университетінде дәріс оқыған Ресей Федерациясы Есеп палатасының төрағасы Сергей Степашинге «ЕҰУ-дің құрметті профессоры» атағы тапсырылды,
деп хабарлайды ҚазАқпарат.Бұл ғылыми дәрежені мәртебелі мейманға осы университеттің ректоры Бақытжан Әбдірайымов табыс етті. Оған қоса, РФ Есеп палатасының төрағасына Еуразия ұлттық университетінің естелік медалі берілді. С.Степашин өз кезегінде көрсетілген құрмет үшін университет ұжымына алғыс айтты.