ОРАЛ. ҚазАқпарат – 23 ақпан күні Ресей Федерациясындағы «Союз» магистральдық газ құбырының 108 шақырымында жарылыс болды, деп хабарлайды ҚазАқпарат тілшісі.
ҚР Энергетика министрлігінің баспасөз қызметі мәлім еткеніндей, осыған байланысты Қазақстан Республикасының аумағы арқылы өтетін «Союз» және «Орынбор-Новопсков» магистральдық газ құбырлары арқылы газ беру тоқтатылды.
Тиісінше Орынбор газ өңдеу зауытынан Ресей газының транзиті және Қарашығанақ газын жеткізу тоқтатылды.
«Батыс Қазақстан облысының тұтынушыларын газбен жабдықтау үшін «Орта Азия – Орталық» магистральдық газ құбырынан ресурстарды қайта бағыттау бойынша жұмыстар жүргізілуде. Қазақстан Республикасының газ тасымалдау жүйесінің барлық объектілері штаттық режимде жұмыс істеп жатыр. Аталған жағдай ҚР Энергетика министрлігінің бақылауында», деп хабарлады ҚР Энергетика министрлігінің баспасөз қызметі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).