АСТАНА. KAZINFORM — 19-24 мамыр аралығында өтетін Страсбург (Франция) WTA 500 турнирінің жеребесі тартылды.
Жарыстың 4-ракеткасы болып тіркелген қазақстандық теннисші Елена Рыбакина екінші айналымда дүниежүзілік рейтингіде 43-орында тұрған қытайлық Ван Синьюй немесе іріктеу сайысы жеңімпаздарының бірімен кездеседі.
Әлемнің 29-ракеткасы Юлия Путинцева алғашқы айналымда рейтингіде 41-сатыдағы словакиялық Ребекка Шрамковамен шеберлік байқасады.
Өткен жылы Ю.Путинцева Страсбургте бастапқы айналымнан аса алмаса, Е.Рыбакина қатыспаған еді. 2024 жылы мұнда америкалық Мэдисон Киз чемпион атанған болатын.
Еске сала кетейік, бұдан бұрын Зарина Диястың Жапониядағы жарыстың финалына жолдама алғанын жазған едік.
Сондай-ақ Александр Бублик Турин турнирінің финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).