ӨСКЕМЕН. ҚазАқпарат – Шығыс Қазақстан облысы Риддер қаласында қатты желдің салдарынан бірнеше көше тұрғындары жарықсыз қалды, деп хабарлайды ҚазАқпарат тілшісі.
Кешелі бері Риддерде қатты жел соғып тұр. Соның салдарынан бірнеше көшеде электр желілері үзіліп, тұрғын үйлерде жарық сөнді.
«Шығысэнерготрейд» компаниясының мәліметіне сүйенсек, қазіргі уақытта 4 апаттық бригада қалыпқа келтіру жұмыстарын жүргізіп жатыр. Бұл электр желілері қалалық тұрғын үй-коммуналдық шаруашылығы бөлімінің балансында.
Сондай-ақ, «Таврия ЭЖА» өкілдері көмекке тартылды. «ОЭСК» АҚ мен ТҮКШ бөлімінің қызметкерлері жарықтың жылдам қосылуы үшін күшейтілген режимде жұмыс істеп жатыр.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.