ӨСКЕМЕН. KAZINFORM – Шығыс Қазақстан облысы Риддер қаласында қызыл су жер үйдің ауласына кірді.
ШҚО Төтенше жағдайлар департаменті баспасөз қызметінің мәліметіне сүйенсек, 26 наурызда Гризодубова көшесінде еріген қар суы жеке тұрғын үйдің іргелес аумағына жиналып қалды.
«Құтқарушылар дереу көмекке келіп жетті. Жеке құрамнан 4 адам, бір техника және мотопомпа тартылды. Сондай-ақ жергілікті атқарушы органдардың қызметкерлері мен техникасы да жұмылдырылған. Көп ұзамай ауладағы су сорылып, шығарылды», - делінген ақпаратта.
Қазіргі уақытта жұмыстар толықтай аяқталды. Барлығы 110 текше метр қызыл су сорылған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.