ӨСКЕМЕН. ҚазАқпарат – Шығыс Қазақстан облысы Риддер қаласының іргесіндегі орманда жоғалып кеткен ер адам 3 күннен соң табылды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, Риддер қаласының тұрғыны 17 тамызда үйден орманға саңырауқұлақ теруге шығып кеткен.
Жұбайының хабарынан соң құтқарушылар оны іздестіре бастайды. 40 жастағы азамат 19 тамызда Риддер қаласының маңындағы Поперечное ауылына барар жолдан табылды.
«Ер адам аталған жолдың 20-шақырымынан табылып отыр. Оның айтуынша, «Газ 3110» маркалы көлігі сынып, үйге қайта алмай қалған. Риддер қаласына келген азаматты жан жары қуана қарсы алды», - деп хабарлады ведомство өкілдері.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.