ӨСКЕМЕН. ҚазАқпарат – Шығыс Қазақстан облысы Риддер қаласында жылыту маусымы аяқталды, деп хабарлайды ҚазАқпарат тілшісі.
Биылғы жылыту маусымында қайта-қайта апат болған Риддердегі жылу электр орталығы жылу маусымын аяқтады. Бұл туралы қала әкімдігі мәлім етті.
«Күннің жылытып, ауа райының қолайлы болуына байланысты жылыту маусымы аяқталды. Жылу энергиясын тұтынушылардың барлығы бүгін жылу жүйесінен өшіріледі», - делінген ақпаратта.
Негізінен жылыту маусымы сәуір айының 29-і күні аяқталу керек болатын. Алайда ауа температурасының төмендеп кетуіне байланысты созылған.
Еске салсақ, сәуірде Риддердегі жылу орталығында екі күнде 3 ақау шыққанын хабарлаған едік.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.