ӨСКЕМЕН. ҚазАқпарат – Шығыс Қазақстан облысы Риддер қаласындағы Филипповка өзені түсінің өзгеруіне байланысты тау-кен байыту кешенінде тексеру жүргізілуде, деп хабарлайды ҚазАқпарат тілшісі.
Бүгін әлеуметтік желіде Риддердегі Филипповка өзені түсінің сұрланып кеткендігі жайлы видео тарады.
Белгілі болғандай, өзенге Белгілі болғандай, өзенге сол маңдағы тау-кен байыту кешенінің қалдығы құйылған. Бұл кешен «Казцинк» ЖШС-ге қарасты.
«Тау-кен байыту кешенінің қалдық қоймасында технологиялық процестер өзен суының одан әрі ластануына жол бермеу үшін жедел түрде тоқтатылды. Оқиғаның салдарын анықтау жұмыстары жүргізіледі», - деп хабарлады компаниядан.
Сол жерге ШҚО экология департаментінің мамандары да келіп жетті. Экологтар сараптама жасау үшін судан сынама алды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.