АСТАНА. KAZINFORM — Қазақстандық теннисші, әлемнің 191-ракеткасы Тимофей Скатов Ролан Гаррос турнирінің іріктеу сайысында алғашқы жеңісіне қол жеткізді.
Т.Скатов бастапқы кездесуінде әлемнің 169-ракеткасы, ресейлік Алибек Качмазовтан айласын асырды.
Қазақстандық теннисші матчты 6:3, 6:4 есебімен аяқтады.
Бір сағат 42 минутқа созылған бәсекеде Скатов 1 эйспен бірге 10 брейк-пойнттың тең жартысын құр жібермеді. Качмазов 1 эйс, 2 брейктен (7 брейк-пойнт) аса алмады.
Тимофей Скатов іріктеу турнирінің финалына шығу үшін франциялықтар Люка Ван Аш немесе Адриан Маннариноның біреуімен таласады.
Іріктеу сайыстары 23 мамырда мәресіне жетеді.
Еске сала кетейік, бұдан бұрын Ролан Гаррос турнирінде Александр Шевченконың камбэкпен жеңіске жеткенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).