АСТАНА. KAZINFORM – Қазақстанның екінші, әлемнің 31-ракеткасы Юлия Путинцева Ролан Гаррос турнирінің төртінші айналымынан тыс қалды.
Қазақстандық теннисші үшінші айналымда әлемнің 6-ракеткасы, 18 жастағы ресейлік Мирра Андреевамен бетпе-бет келді.
Бірінші партияда Андреева 6:3 есебімен басым түсті. Ол екінші сетте де есесін жібермеді – 6:1.
Бір сағат 16 минутқа созылған бәсекеде Андреева 1 эйспен бірге 8 брейк-пойнттың бесеуін өз есебіне жазды.
М.Андреева ширек финалға шығу үшін рейтингіде 17-орындағы аустралиялық Дарья Касаткинамен таласады. Оләлемнің 10-ракеткасы, испаниялық Паула Бадосаны ұтты – 6:1, 7:5.
Өткен жылы Юлия Путинцева Франция ашық чемпионатында екінші айналымнан аса алмаған еді.
Еске сала кетейік, бұдан бұрын Рыбакинаның Парижде Ролан Гаррос чемпионын жарыс жолынан тайдырғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).