НҰР-СҰЛТАН. ҚазАқпарат – Франция астанасы Парижде Ролан Гаррос турнирінің жеребесі тартылды, деп хабарлайды ҚазАқпарат тілшісі.
Франция ашық чемпионатында Қазақстанның бірінші, әлемнің 16-ракеткасы Елена Рыбакина алғашқы айналымда дүниежүзілік рейтингте 76-орында тұрған нидерландылық Аранча Руспен ойнайды.
Әлемнің 37-ракеткасы Юлия Путинцева іріктеу сайыстары жеңімпаздарының бірімен кездеседі.
Қазақстанның ерлер арасындағы бірінші, әлемнің 41-ракеткасы Александр Бублик рейтингте 65-сатыдағы франциялық Артур Риндеркнехпен кортқа шығады.
Жұптық сынның жеребесі кейін белгілі болады.
Қазіргі кезде іріктеу сайыстары өтіп жатқан Ролан Гарростың негізгі додасы 22 мамырда басталып, 5 маусымда мәреге жетеді.
Еске сала кетейік, бұдан бұрын қазақстандық теннисшінің алғаш рет челленджер турнирінің жартылай финалына өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).