АСТАНА. KAZINFORM - Қазақстанның екінші, әлемнің 57-ракеткасы Александр Шевченко Роттердам (Нидерланд) ATP 500 турнирінің ширек финалына шықты.
Қазақстандық теннисші екінші айналымда әлемнің 7-ракеткасы, даниялық Хольгер Руненің меселін қайырды.
Бірінші партияда есеп 4:4 болған мезетте Шевченко брейк жасай алды - 6:4.
Екінші сетте Руне басымдық танытты - 6:1.
Үшінші, шешуші партияда Шевченко тағы бір брейк жасап, матчты жеңіспен түйіндеді - 6:3.
Бәсеке бір жарым сағаттан астам уақытқа созылды.
Александр Шевченко жартылай финалға шығу үшін әлемнің 13-ракеткасы, болгариялық Григор Димитровпен таласады.
Еске сала кетейік, бұдан бұрын Михаил Кукушкиннің Бахрейндегі жарыстың жартылай финалына жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).