ПАРИЖ. KAZINFORM – Париж Олимпиадасында шпагамен семсерлесуден ел намысын қорғаған Руслан Құрбанов ширек финалға шықты.
Отандасымыз франциялық Ромен Каннонмен шеберлік байқасты.
Үш кезеңнің қорытындысы бойынша қазақстандық семсерлесуші 15:10 есебімен жеңіске жетті.
Айта кетейік, 27 жастағы франциялық семсерлесуші Ромен Каннон 2021 жылғы Токио Олимпиадасының, 2022 жылғы әлем біріншілігінің чемпионы.
Енді тағы бір қазақстандық семсерлесуші Эльмир Әлімжанов 1/8 финалдық кезеңде италиялық семсерлесуші Федерико Висмарамен кездеседі.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.