Руслан Жақсылықов Қауіпсіздік Кеңесі Хатшысының бірінші орынбасары болды
АСТАНА. KAZINFORM – Мемлекет басшысының өкімімен Руслан Жақсылықов Қауіпсіздік Кеңесі Хатшысының бірінші орынбасары қызметіне тағайындалды. Бұл туралы Ақорданың баспасөз қызметі хабарлады.
- Мемлекет басшысының өкімімен Руслан Фатихұлы Жақсылықов Қазақстан Республикасы Қауіпсіздік Кеңесі Хатшысының бірінші орынбасары лауазымына тағайындалды, - деп жазылған хабарламада.
1966 жылы 4 наурызда Алматы облысы Қаскелең қаласында дүниеге келген.
Білімі:
И.С. Конев атындағы Алматы жоғары жалпыәскери командалық училищесі (1987 жыл).
М.В. Фрунзе атындағы Әскери академия (1996 жыл).
Ресей Федерациясы ҚК Бас штабы Әскери академиясының Жоғары академиялық курстары (2004 жыл).
Педагогика ғылымдарының кандидаты.
Еңбек жолы:
1987–1988 жж. – Орта Азия әскери округы мотоатқыштар полкі мотоатқыштар взводының командирі.
1988–1989жж. – Орта Азия әскери округы мотоатқыштар полкі барлау взводының командирі.
1989–1992жж. – Түркістан әскери округы мотоатқыштар полкі барлау ротасының командирі.
1992–1993жж. – барлау мотоатқыштар полкінің бастығы.
1996ж. – Қазақстан Республикасының Қарулы Күштері гвардиялық оқу-жаттығу орталығының барлау бастығы.
1996–1997жж. – Қазақстан Республикасы ІІМ ішкі әскерлер бригадасының штаб бастығы.
1997–1998жж. – Қазақстан Республикасы ІІМ ішкі әскерлерінің полк командирі.
1998–2000жж. – Қазақстан Республикасы ІІМ ішкі әскерлері жедел тағайындау полкінің командирі.
2000–2004жж. – Қазақстан Республикасы ІІМ ішкі әскерлерді жедел тағайындау бригадасының командирі.
2004–2006 жж. – Қазақстан Республикасы ІІМ ішкі әскерлер бригадасының командирі.
2006–2007 жж. – Қазақстан Республикасы ІІМ ішкі әскерлер қолбасшысының орынбасары.
2007–2008жж. – қолбасшысының бірінші орынбасары – Қазақстан Республикасы ІІМ ішкі әскерлер бас штабының бастығы.
2008–2013 жж. – Қазақстан Республикасы ІІМ ішкі әскерлер қолбасшысы.
2013–2014 жж. – Қазақстан Республикасы ІІМ ішкі әскерлердің бас қолбасшысы.
2014–2021 жж. – Қазақстан Республикасы Ұлттық ұланының бас қолбасшысы.
2021 жылғы қыркүйектен 2022 жылы қаңтар аралығында – Ішкі істер министрінің орынбасары – Қазақстан Республикасы Ұлттық ұланының бас қолбасшысы.
2022 жылғы 19 қаңтардан – Қазақстан Республикасының Қорғаныс министрі.
2023 жылғы 3 сәуірде қайтадан Қазақстан Республикасының Қорғаныс министрі болып тағайындалды.
2025 жылы 8 маусымда Мемлекет басшысы Қорғаныс министрі Руслан Жақсылықовты қызметінен босатты.
Наградалары: І дәрежелі Даңқ ордені, ІІ дәрежелі Даңқ ордені, Түркия Республикасы Қарулы Күштерінің ордені және Қазақстан Республикасы, КСРО және ТМД медальдары.