АСТАНА. ҚазАқпарат – Қазақстанның бірінші ракеткасы Елена Рыбакинаның Индиан-Уэллс WTA 1000 турнирінен қанша табыс тапқаны белгілі болды, деп хабарлайды ҚазАқпарат тілшісі.
Қазақстандық теннисші осы жарыстағы жеңісі арқасында 1 млн 262,220 мың доллар АҚШ долларын тапты.
Аталмыш доданың жалпы қоры 8,8 млн АҚШ доллары болатын.
Сондай-ақ Елена Рыбакина 1 мың рейтингілік ұпайға ие болды.
Осы жарыс барысында қазақстандық спортшы америкалық Софья Кенин, испаниялық Паула Бадоса, ресейлік Варвара Грачева, чехиялық Каролина Мухованы жолдан тайдырды. Жартылай финалда әлемнің 1-ракеткасы Ига Швентекті ұтса, финалда әлемдік рейтингіде екінші орында тұрған А.Соболенконы қапы қалдырды.
Еске сала кетейік, бұдан бұрын Елена Рыбакинаның әлемнің сегізінші ракеткасы атанғанын жазған болатынбыз.
Сондай-ақ қазақстандық теннисші Швейцариядағы турнирдің финалына шықты.
Қазақстандық жас теннисші Үндістанда өткен жарыстың жеңімпазы атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).