Еске сала кетейік, 2013 жылдың 1 қарашасында қаржы полициясы С.Шаяхметовке қатысты қылмыстық істі тергеуді аяқтаған болатын. Бұл ретте экс-вице-министр Өскеменде 700 орындық білім беру мекемесі құрылысы кезінде қызмет өкілеттігін теріс пайдаланды деп айыпталып отыр. Ол мемлекетке 1,1 млрд. теңге көлемінде шығын келтірді делінеді.
Бұдан бөлек, сотта айыпталушы ретінде «Қазақстан Республикасы тұрғызылып жатқан білім және ғылым нысандары дирекциясы» ЖШС бас директоры Пак, «Сервис ЖАК" ЖШС бұрынғы бас директоры Киреев қатысуда. Оларға бюджет қаржысын алаяқтық жолмен жымқырды деген айып тағылған.