АСТАНА. KAZINFORM – Түркияның Анталья қаласында өткен садақ атудан Олимпиадаға соңғы іріктеу сынында қазақстандық мерген қыздар жарысты орта жолдан аяқтады.
Жекелей сында екі отандасымыз 1/8 айналымға жеткенімен, ары қарай жүлделі орынға таласа алмады.
Алина Ілиясова словакиялық Дениса Баранковаға 4:6 есебімен есе жіберсе, Елизавета Авдеева ирандық Мобинья Фалладан 2:6 есебімен жеңіліп қалды.
Айта кетсек, садақ атудан Қазақстан ерлер құрамасы Париж Олимпиадасында бақ сынайды.
Абылайхан Жұмашев
1993 жылы 15 қарашада Атырау облысы Индер ауданында дүниеге келген.
Фараби атындағы ҚазҰУ түлегі. А. Байтұрсынұлы атындағы Тіл білімі институтының магистрі.