Жайық жағасында орналасқан мұнайлы қаладағы кездесуде Сәдібек Түгел ұлттық құндылықтар жөнінде әңгімелеп, сайлауалды бағдарламасын таныстырды. Үміткер тұғырнамасында көрсетілген басты міндеттерге ерекше тоқталды.
Сондай-ақ, жиында ҚР Президенттігіне кандидат Сәдібек Түгелдің сенімді өкілдері Ынтымақ Құлтасов, Клим Губашев, Асан Қарамоншақовтар сөз алып, кандидат ағдарламасындағы ел болашағын айқындауға қажетті басым бағыттар жайында айтып берді.
Сонымен қатар, кездесу аясында «Ұлттық құндылықтарды ұлықтаймыз» атты қолөнершілер көрмесі ұйымдастырылды. Жиналғандар алдында домбыра бойынша Тұрлан Бисембаев, суретшілер Лаура Тілекбай, Мұрат Ерғалиевтар шеберлік сабағын өткізді.