Павлодар қаласындағы Бұқар жырау атындағы мұражайда өткен жиында үміткер Сәдібек Түгелдің сайлауалды платформасы талқыланды. Сенімді өкіл Ғалия Балтабай кездесуге жиналған көпшілікті Сәдібек Түгелдің сайлауалды бағдарламасымен жан-жақты таныстырып, сұрақтарына жауап берді.
Жиналғандар алдында «Сағым жылдар» ансамблі өнер көрсетті. Ал ансамбльдің батагөй әжесі, Республикалық бата беруден өткен конкурстың жеңімпазы Бақытжамал Елеукенова үміткерге бата беріп, ақжол тіледі.