«Инвесторлар үшін қазіргі уақытта Қазақстанда жүргізіліп жатқан жекешелендірудің ауқымды екінші толқыны зор мүмкіндіктер береді. Үкімет экономиканы мемлекет иелігінен алу бағытын жүзеге асыруда», - деді Бақытжан Сағынтаев.
Премьер-Министр қазіргі уақытта елімізде 900-ден астам компания бәсекелестік ортаға берілетіндігін атап өтті.
«Барынша тартымдысы мемлекет меншігіндегі және квазимемлекеттік сектордағы 65 үздік компания саналады. Оның 57-сі - ұлттық холдингтер. Мен сіздерді аталған жекешелендіруге қатысуға шақырамын. Бүгінде барынша тиімді кезең туып отыр. Біз бұл тақырыпқа жеке сессия арнаймыз», - деді Министрлер кабинетінің басшысы.