АСТАНА. KAZINFORM – Сауд Арабиясының Эр-Рияд қаласында өтіп жатқан VI Ислам Ынтымақтастығы ойындарында қазақстандық дзюдошы Самалай Ерғалиева қола медаль жеңіп алды.
Отандасымыз әйелдер арасындағы 63 келіге дейінгі салмақ дәрежесінде ел намысын қорғады.
- Қола жүлде үшін өткен шешуші белдесуде Самалай Иран спортшысы Самира Кхакахты айқын басымдықпен жеңіп, жарысты үшінші орынмен аяқтады, - делінген Спорт комитетінің ақпаратында.
Айта кетейік, Ержан Еренқайыпов Ислам Ынтымақтастығы ойындарының күміс жүлдегері атанды.
Асхат Райқұл
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.