Қазақстанның ТЖМ құтқарушылары Ресейдегі ЖКО зардап шеккен отандастарының жағдайын білді.
— Бүгін Батыс Қазақстан облысы ТЖ департаментінің басшылығы ведомствоның психологтарымен бірлесіп Ресей Федерациясынан жеткізілген пациенттерге барды. Зардап шеккендердің көңіл-күйі тұрақты, қанағаттанарлық деңгейде. Пациенттер медициналық мекемеде дәрігерлердің бақылауында, — делінген хабарламада.
Еске салсақ, Ресейдің «Самара — Большая Черниговка» тас жолында жол апаты болған. Апат кезінде жеті қазақстандық зардап шекті. Кеше зардап шеккендер Ресейден Орал ауруханасына жеткізілді.
Кейіннен жол апатынан екі қазақстандық қаза болғаны хабарланды.