ОРАЛ. ҚазАқпарат - Батыс Қазақстан облысында қыстыгүні жолда қалған қырғызстандық азаматтарға көмек көрсетілді, деп хабарлайды «ҚазАқпарат» тілшісі.
БҚО ТЖ департаментінен алынған мәліметке қарағанда, 30 қаңтар күні Самара-Шымкент жолының 1826-шақырымында қырғызстандық нөмірі бар «Мерседес Спринтер» автобусының сынып қалғаны жөнінде хабар түскен.
Автобус жолаушыларына көмекке Сырым аудандық ТЖ бөлімінің қызметкері мен жергілікті атқарушы орган өкілдері жіберілді. Жинақы іс-әрекеттің нәтижесінде Жымпиты ауылындағы жол-пайдалану учаскесінің жылыту пунктіне Қырғыз елінің 13 азаматы жеткізілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).