НҰР-СҰЛТАН. ҚазАқпарат – Самбодан ересектер арасында Оңтүстік Кореяның Чхонджу қаласында өтіп жатқан әлем чемпионатының екінші күні қазақстандықтар қос қола жүлдеге ие болды, деп хабарлайды ҚазАқпарат тілшісі.
Халықаралық самбо федерациясының сайтынан алынған мәліметке қарағанда, бүгін ерлер мен әйелдер арасында және жауынгерлік самбо бойынша тоғыз салмақ дәрежесінде жеңімпаз-жүлдегерлер анықталды.
Қазақстандық Ажар Салықова 64 кг салмақта жүлдегерлер қатарынан көрінді.
Сондай-ақ жауынгерлік самбодан Асылбек Смаилов 82 кг салмақта қола медальға ие болды.
Әлем чемпионаты ертең мәреге жетеді.
Еске сала кетейік, жарыстың алғашқы күні қазақстандықтар қос күміс, бір қола медаль жеңіп алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).