АСТАНА. ҚазАқпарат - Қырғызстан астанасы - Бішкекте өтіп жатқан самбодан ересектер арасындағы әлем чемпионатының 2-күнінде қазақстандық балуандар үш қола медаль алды, деп хабарлайды ҚазАқпарат тілшісі.
Ел құрамасынан Ділдәш Құрышбаевадан (72 келі) ширек финалда румын Ольга Малейкаға есе жіберді. Ал қола медаль үшін жекпе-жекте өзбекстандық Мохигүл Комилжанованы таза ұтты.
Дүбірлі додада тағы екі қола Арнұр Қуатай (71 келі) және жауынгерлік самбодан 58 келіге дейінгі салмақта Мирас Уәлиевтің еншісіне жазылды.
Қазір Қазақстан құрамасының еншісінде 2 күміс, 5 қола медаль бар.
Бүгін Әлем чемпионатының соңғы күні, самбошылар қалған 7 салмақтың чемпионы мен жүлдегерлерін анықтайды.
Айта кетсек, әлем чемпионатына 52 елдің балуандары келді.
Енді 13 қарашада балуандар тағы 7 салмақта сынға түседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.